Ráðlagður jazzskammtur óskar lesendum gæfu og gleði á nýju ári og þakkar samveruna á fyrsta starfsári bloggsins, sem senn fer veg allrar veraldar. (Það er rétt að árétta að það er árið 2016, ekki bloggið, sem fer senn veg allrar veraldar. Bloggið er komið til að vera.) Það er Charles Mingus sem slær botninn í þetta með sínu einbeitta baráttulagi Haitian Fight Song af plötunni The Clown frá 1957. Gott fyrir þá sem þurfa að láta blása sér smá anda í brjóst á síðasta degi ársins. Skál!